Ви ги претставуваме новиот сет на презентации на гостите кои беа дел од фестивалот Скопје креатива 2015.
Оваа серија ја сочинуваат инспиративните приказни на Студиото Армада и неговиот основател Марко Миладиновиќ од Словенија, креативниот генијалец Слободан Јовановиќ од Coba & Associates од Србија и врвната полска артистка која се занимава со интервенција во јавен простор Изабела Рутковска.
Марко Миладиновиќ
Марко е лидер на креативното дизајн студио Армада, чија специјалност е брендингот. Нивното портфолио е преполно со успешни визуални идентети и брендирања, како и концепти и развојни бизнис стратегии, на пример за брендот Johnnie Walker. Тие работат со клиенти кои ја препознаваат оригиналноста на идеите и го почитуваат квалитетниот дизајн како витален сегмент во позиционирањето на еден бренд на пазарот. На фестивалот, студиото Армада учествуваше со изложба ЈУС за екс-југословенски производни и бренд икони, како и со работилница. Марко ни ја испрати и неговата моќна презентација со остварувањата на Армада, која ја претстави на публиката на Скопје креатива 2015.
Презентацијата –> Марко Миладиновиќ
Слободан Јовановиќ
Слободан Јовановиќ и неговата агенција за дизајн и брендинг Coba & Associates се бесконечно инспиративна приказна. Тој ги завршува своите студии на престижната Академија за убави уметности во Фиренца, се враќа во Србија за време на воените балкански конфликти и се труди да го најде своето место за креативно изразување. Слободан ја поделил својата пасија на две категории…Едната е дизајнот а другата е музиката. И до денес тој има остварено одлични музички сетови и фантастични дизајни и брендирања. Дополнително Цоба е основач на Designed.rs сајтот кој е еден од најпопуларните дизајн интернет страни во регионот.
Линкот од презентацијата –> Слободан Јовановиќ
Изабела Рутковска
Иза е сосема поинакво ниво од претходно претставените момци. Таа ја формира фондацијата „Форми и облици“ која создава одлична интеракција помеѓу јавниот простор и учесниците на дадените настани.
Изабела прави невозможното да изгледа како да може да се постигне лесно. Нејзините проекти со огромниот еж спроведен во социјално загрозените заедници и со големата мечка-маскота која патувала низ цела Европа запирајќи во најпосетените и популарни места се едноставно прекрасни. Резултатите од овие и други акции спроведени од нејзиниот тим се дел од овие неколку десетици слајдови кои Рутковска се сложи да ги сподели со нашите читатели и фанови.
Уживајте –> Изабела Рутковска
Skopje Poster
