Опис на проектот

Скопје креатива 2015 – Фестивал за креативни индустрии

Информации за проектот

Дата:   16 – 20 септември 2015

Локација: Плаја виста, Скопје

Плакарт, како здружение чија улога е меѓудругото да креира можности за размена на искуства и зголемување на промоцијата на македонските дизајнери надвор од земјава и преку овој проект се обиде да ја постигне таа цел.

Фестивалот за креативни индустрии – Скопје Креатива 2015 се одржа од 16 до 20 септември на Плаја Виста.  Под мотото „Скопје – мојот град!“ во петте фестивалски денови се одржаа презентации, предавања, работилници, панел дискусии, форуми/дебати. Посетителите имаа можност да учествуваат на настани од сите креативни области – моден, индустриски и графички дизајн, како и филмски и видео перформанси, мултимедијални содржини, перформанси, маркетирање на креативци, додека во вечерните часови уживаа во специјално одбраната музичка програма идеално дозирана за сечиј вкус. Скопје Kреатива не ги заборави и најмалите – работилници за развивање на креативноста кај дечињата беа дел од богатата програма.